धरतीच्या अंगावरची
शेवाळुन जाते माती
थरथरत उभी ती झाडे
रस्त्याच्या काठावरती
डबक्यात साचते पाणी
मातीतही थोडे मुरते
निमुळत्या कठिण वाटांनी
उतरून नदीला मिळते
भिजतात पंख पक्ष्यांचे
प्राण्यांची अंगे ओली
हिरवळीत फुलते स्वप्न
झोपडीत चूल निमाली
रस्त्यात तुंबते गर्दी
शंकेने घर घाबरते
बाळांची किरकिर भोळी
मन पाकोळीचे होते
पाऊस पाहतो दुरुनी
रिमझिमतो स्वांतसुखाय
कधि पिसाटापरी पडतो
कधि अखडुन घेतो पाय.!
***
No comments:
Post a Comment