इथे आत्ता
रपरप पाऊस पडतोय
जमीन तृप्त होऊन वाहतेय
झाडं थेंबांशी खेळून थोडा वेळ
ओघळू देतायत त्यांना पानांवरून
पक्षी उडताय टुकटुक
इकडून तिकडे स्वैर
गळून पडलेल्या पानाफुलांना
वाटत नाहीय काहीच
माणसं कामाला लागालीयत आपापल्या
रस्ते वाहतायत..
अंग झटकून फिरायला लागलीयत कुत्री
वास येतायत भाज्यांचे वेगवेगळ्या
.....
काहीच तासांपूर्वी
या शतकातलं शेवटचं
सर्वात मोठं
खग्रास सूर्यग्रहण
लागलं... आणि संपलं.!
इतक्या दुर्मिळ,
विस्मयकारी खगोलीय घटनेची
कुणाला आठवणही राहिलेली नाहीय
एक विलोभनीय दृश्य
उमटलं आणि अंतर्धान पावलं..!
***
No comments:
Post a Comment