व्यक्त-अव्यक्ताच्या मध्यसीमेवर: केव्हाची उभी आहे मी...

Monday 4 January 2016

केव्हाची उभी आहे मी...

सगळं काही बाजूला सारून

केव्हाची उभी आहे मी

क्यूमधे

स्वतःसमोरच्या

मी उभी आहे

माझ्या नंबरावर

आणि अपाँईंटमेंट आहे

आत्ताची

या क्षणाची

पण मला बाजूला सारत

माझ्या डोळ्यांसमोर

झडप घालतंय कोण कोण

माझ्या वेळेवर

मी केव्हाची उभी आहे

क्यूमधे

या आशेनं

की कधीतरी

मला भेटता येईल स्वतःला

ठरलेल्या

आत्ताच्या या क्षणी..!

***

No comments:

Post a Comment

भूमिका

कविता ‘कवी’चं नाव सोबत बाळगत असली तरी लिहून हातावेगळी झाल्यावर ती एका खोल अर्थानं कवीची राहात नाही.. फार काय ती त्यातल्या शब्दांचीही राहात नाही. कवी-मनातून बाहेर पडून शब्दांच्या रंगमंचावर कविता एकदा सादर झाली आणि पडदा पडला की पडलाच..! तिची नाळ तुटते. ती स्व-तंत्र होते. मुक्त होते कवीनं दिलेल्या आकारातून. रसिकवाचक जेव्हा त्या कवितेचा आस्वाद घेतो तेव्हा ती पुन्हा साकारते रसिक-मनात. तो तिचा नवा जन्म असतो!

कवितेचे हे जन्म.. विलय.. नवे जन्म म्हणजे उत्कट जगण्याच्या अनावर क्षणांचा एक मनस्वी खेळ..! ती या जगड्व्याळात असतेही आणि नसतेही. व्यक्त-अव्यक्ताच्या मध्यसीमेवर अवचित कधीतरी कवीला दिसते आणि शब्दात प्रकाशित झाल्यावर रसिकालाही दिसू लागते..! मला दिसलेल्या काही कविता इथे सादर करतेय रसिकमनात पुन्हा जिवंत व्हाव्यात म्हणून, प्रतिसादाच्या अपेक्षेत..!