उद्भवक्षणापासून
वर्षानुवर्षे
बेलगाम धावतो आहे
हा रथ…
क्षणाक्षणाला भर पडत जाणार्या
प्रत्येक दिशेगणिक
वाढताहेत...
याला ओढणारे घोडे
वाढते आहे त्याना धाववणारे
मायाजाल..
किती महामानव आले
याला भला मार्ग दाखवत राहिले..
पण
अजूनही
काहीच पादाक्रांत न करता
जिथल्या तिथेच
आदीम अवस्थेत
उभा असलेला रथ पाहून
करूणानिधी
बुद्धानंही आता
या जगाकडे
पाठ फिरवलीय..!
***
No comments:
Post a Comment