पुन्हा पुन्हा
दंश करणारी ही पोकळी
माझ्या विद्ध मनाला
जखडून ठेवतेय
नाहीशा होऊनही
ठसठसत राहिलेल्या वेदनेत !
ओलांडू देत नाहीए
स्वतःचा अनाकलनीय परीघ..
तरी
कुठं काय..? म्हणत
ते निसटू पाहतंय
तिच्या तावडीतून
हरप्रकारे
सोडवू पाहतंय
तिचा विळखा...
खरंतर
तिच्यातच पाय रोवून,
अंतर्बाह्य अनुभवत तिचा ठाव
त्यानं समजून घ्यायला हवंय
की केवळ दुखवणारा, साधासुधा नाही
‘असण्या’च्या प्रचितीचा
दंश आहे तो
बुद्धीच्या कक्षेत न आलेला...
अखेर नश्वर देहानंच देऊ केलाय ते..!
***
No comments:
Post a Comment